როგორ ჩავდგეთ სწრფად ფორმაში

დღესდღეობით მეტად პოპულარულია დიეტა”ზონა”. მისი მიმდევრები არიან ბრედ პიტი, სელინ დიონი, ჯენიფერ ენისტონი, კორტნი ლავი და სინდი კროუფორდი.

ამ დიეტის არსი მდგომარეობის ინსულინის კონტროლში, რომელიც გამომუშავდება კუჭქვეშა ჯირკვალში. იგი პასუხიმგებელია სისხლიდან ჭარბი გლუკოზის ტრანპორტირებაზე. ინსულინი ჭარბ შაქარს გარდაქმნის კანქვეშა ცხიმად. ამის თავიდან ასაცილებლად უპირატესობა უნდა მიენიჭოს პროტეინის შემცველ საკვებს და შაქრის შემცველი პროდუქტების რაოდენობა კი შემცირდეს. სწორი კვება გულისხმობს ნივთიერებათა ასეთ განაწილებას: 40% ნახშირწყალი, 40 % ცილა, 30 % უჯერი ცხიმი.

ერთი დღის მენიუ ასე გამოიყურება:
საუზმე

4 კვერცხი ცილის და 1 ჩ.კ. გახეხილი ყველის ომლეტი; 1 ფინჯანი ქიშმიში; 1 ფინჯანი ყავა ან უშაქრო ჩაი და რძე; 2 პატარა ნაჭერი შავი ან თავნაფქვი პური
სადილი

200 გ. კრაბის ან ხამანწკების სალათა 1 ჩ.კ. მაიონეზით; მოასხით მას ლიმონის წვენი, დააწყეთ სალათის ფურცელზე და გადაახვიეთ ლავაშში.
ნაშუადღევს

50 გ. უცხიმო იოგურტი;
ვახშამი

150 გ. საქონლის ხორცის, 1 ს.კ. არაჟანის, დაჭრილი ხახვის მწვანილის და პილპილისგან მომზადებული კატლეტი;
გვიანი ვახშამი

50 გ. უცხიმო ლორი, 100 გ. ლორი, კაკალი

”ზონა” მეტად ეფექტური და საკმაოდ მისაღები დიეტაა. ის კარგად არის დაბალანსებული და ყველა რეკომენდაციის შესრულებისას გარანტირებულია წონის მდგრადი კლება. რაც მთავარია მკაცრი შეზღუდვების და სტრესის გარეშე!

ე.წ. 5 ფაქტორიანი დიეტა პოპულარულია ისეთ ვარსკვლავებში, როგორიცაა ალისია კიზი, ჯესიკა სიმპსონი, ჰოლი ბერი, ორლანდო ბლუმი, ჰილარი სუონკი, ველ კილმერი. ვარჯიშისა და დიეტის ეს სისტემა შეიმუშავა ამერიკელმა ფიტნეს-ინსტრუქტორმა ჰარლი პასტერნაკმა, იგი საკმაოდ მარტივია, არ ითვალისწინებს დიდ დატვირთვას, კალორიების დათვლას და ულუფების შემცირებას. აუცილებელია 25 წთ-იანი ვარჯიში კვირაში 5-ჯერ და 5 კრიტერიუმის შესაბამისი ყოველდღიური ხუთჯერადი კვება:
ყველა კერძში უფრო მეტია ცილა და დაბალია ცხიმიანობა;
საკვების ყოველი მიღებისას ორგანიზმი უნდა იღებდეს დაბალი ან საშუალო გლიკემიური შეთვისების (ანუ რთულ) ნახშირწყლებს-ლობიო, ბარდა, ჩენჩოიანი ბრინჯი, ბოსტნეული;
ყოველი კერძი უნდა შეიცავდეს 5-10 გ. უჯრედისს;
ყველა პროდუქტი უნდა შეიცავდეს ”ჯანსაღ”, სასარგებლო ცხიმს, რომელიც შედის თევზის, კაკლის, მზესუმზირას, ზეითუნის ზეთის შემადგენლობაში;
საკვებთან ერთად არ მიიღოთ შაქრის შემცველი სასმელი.

ამ წესების დაცვის შემდეგ აუცილებელი არ არის ცხიმების და ნახშირწყლების ყოველდღიური მოხმარების დათვლა, ულუფების გაზომვა ( თუმცა სასურველია ნორმის- 2000 კალორია დღეში, დაცვა), კვირაში ერთხელ შეიძლება ”დატვირთვის” დღის მოწყობა ანუ მიირთვათ, რაც გსურთ. ამ დიეტის შემქნელი ამტკიცებს, რომ 10 დღიანი დიეტა საკმარისია ზედმეტი წონის და ორგანიზმის შლაკებისგან გათავისუფლებისთვის.

არ უნდა დაივიწყოთ, რომ კვებას თან უნდა ახლდეს ყოველდღიური ფიზიკური ვარჯიში.

პოპულარულია ასევე მაკრობიოტიკური დიეტა, მისი მიმდვრები არიან მადონა, გვინეტ პერტლოუ და ლივ ტაილერი. დიეტა წარმოადგენს ინისა და იანის წონასწორობის აღმოსავლური წარმოდგენის და დასავლური მედიცინის ზოგიერთი ასპექტის სიმბიოზს. წონასწორობა ორ შემადგენელს შორის დამოკიდებულია გონებრივ და ფიზიკურ მოღვაწეობას, ცხოველური და მცენარეული წარმოშობის საკვებს, თერმულად დამუშავებულ და უმ საკვებს შორის წონასწორობაზე. ამ წონასწორობის მიღწევა შესაძლებელია გარკვეული პროდუქტების, მათი მომზადების მეთოდის არჩევით და საკვების მიღების წესების დაცვით.

ყველაზე მთავარი მაკრობიოტიკში არის ის, რომ გახსოვდეს, რა არ უნდა მიირთვა. რეკომენდებულია მოერიდოთ:

ძლიერ ინ და იან პროდუქტებს, რომლებიც არღვევენ ორგანიზმში ბალანსს, იწვევენ მგლურ მადას - ესენია შაქარი, ხილი, კენკრა, ხორცი, ყველი.

ქიმიურად, ჰორმონალურად და გენეტიკურად შეცვლილ პროდუქტებს, რაფინირებული შაქარი და მისი ნაწარმი, კონსერვები, ქიმიურად შეღებილი ნებისმიერი სასმელი და პროდუქტი.

რაციონის საფუძველია - მარცვლეულის და ბოსტნეულის კერძები, რომლებსაც არ გაუვლიათ საწარმოო დამუშავება. დასაშვებია თევზი, ზღვის პროდუქტები, მცენარეული სანელებლები, ბარდისებრი, მზესუმზირა და კაკალი. პროცენტულად დიეტა ასე გამოიყურება: 50 % მარცვლეული, 25%ცოცხალი ბოსტნეული, 10 % ცილა (თევზი, სოიო), 5 % ზღვის პროდუქტები, 5 % სუპეული, 5 % ხილი და კაკალი.

ასეთი დიეტებია პოპულარული ვარსკვლავებს შორის და მათი გამოყენება შეგიძლიათ დღესასწაულების შემდეგ ფორმაში ჩასადგომად.