ვიღებთ 1 კგ. მანდარინს, გავრეცხავთ, გავამშრალებთ, დავჩხვლეტთ ჩანგლით გარშემო და ჩავყრით მდუღარეში ცოტა ხნით, მოსათუთქად და სიმწარის გასასვლელად. მერე ამოვიღებთ და საწურზე გავაჩერებთ. ამასობაში მოვადუღებთ 1 კგ. შაქარს+1 ჭ. წყალი - სიროფი, ჩავყრით შიგ ამ მანდარინებს და გავაჩერებთ დაბალ ცეცხლზე 15-20 წუთით. მერე გამოვრთავთ, ვაცდით შეგრილებას. ასე მოვიქცევით კიდევ 2-3-ჯერ, წვენი უნდა შესქელდეს. სულ ბოლოს ჩავაწურავთ 1 ლიმნის წვენს და გაციებულს ჩავასხამთ ქილებში.
