125 გრ. კარაქი ან მარგარინი, 1 ჭიქა ხორბლის ფქვილი, 4 კვერცხი, მცენარეული ზეთი, ფქვილი, შაქარი ან ჯემი.
მომზადების წესი ჭიქა მდუღარე წყალში ჩავამატოთ ცოტა მარილი და კარაქი. კარაქის გადნობის შემდეგ ქვაბს ვტოვებთ ცეცხლზე და ნელ-ნელა ვყრით მასში ფქვილს, თან ინტენსიურად ვურევთ კოვზით. ცომს მანამ ვზელთ, სანამ იგი ქვაბის კედლებს ადვილად არ მოშორდება. შემდეგ ქვაბი ქურიდან გადმოვდგათ და თითო-თითოდ ჩავამატოთ 4 კვერცხი. მოხარშული ცომი გადავიტანოთ საკონდიტრო ტომსიკაში. პერგამენტისგან გამოვჭრათ წრე, რომლის დიამეტრი ტაფისაზე ოდნავ პატარა იქნება. უბრალო ფანქრით მასზე დავხატოთ მომცრო ერთნაირი წრეები. ამ წრეებზე ტომსიკიდან დავსვათ ცომის გუფთები, რომლებსაც რგოლის ფორმა ექნებათ. ტაფაში გავაცხელოთ ზეთი, ჩავუშვათ მასში პერგამენტი ცომის რგოლებიანად და დავბრაწოთ ისინი. მზა რგოლები ამოვიღოთ ზეთიდან და დავდოთ ქაღალდის ხელსახოცზე, რათა ისინი ზეთის ნარჩენებისგან დაიწუროს. სუფრაზე მიტანამდე ნამცხვარი ფხვიერი შაქრით ან ჯემით მოვრთოთ.
