ავიღოთ თევზი, გავწმინდოთ, 15 წუთით ჩავდოთ ცოტა შაქარ და ცოტა მარილიან, დარიჩინით შეზავებულ თეთრ ღვინოში, რომელსაც შეგიძლიათ ლიმონიც ჩააწუროთ. შემდეგ ამოიღეთ თევზი, დაამარილეთ და გაახვიეთ ვაზის ფოთლებში, დადეთ გრილზე ან ნაკვერჩხალზე და შეაპიწკინეთ. შეწვის შემდეგ ეს თევზები, თავისი „მუნდირიანად",თეფშზე დადეთ, მოამზადეთ სოუსი - 3 ლიმონი დაბლენდერებული + რეჰანი+ წიწაკა+ 3 სუფრის კოვზი ზეთი+ მწიკვი მარილი+ მწიკვი შაქარი+ ცოტა თეთრი ღვინო. ეს სოუსი გაწურეთ, წვენში ჩააწყვეთ თევზი და რაც დარჩება, იმას შეურიეთ გატარებული ოხრახუში და ცოტა გატარებული სტაფილო და ლამაზად დაადეთ სოუსში ჩადებულ თევზებს.
