ლობიო ქოთანში

500 გრ წითელი ლობიო, 2 თავი ხახვი, 2 კბილი ნიორი, ქინძი, პიტნა, წიწაკა და მარილი - გემოვნებით.
ლობიო გადავარჩიოთ, გავრეცხოთ, ჩავყაროთ ქოთანში, დავასხათ წყალი და შემოვდგათ ცეცხლზე. წყლის ამოშრობასთან ერთად დავამატოთ ანადუღარი წყალი.
მდუღარე ლობიოს დავამატოთ დაჭრილი თავი ხახვი.
როდესაც ლობიო მოიხარშება, დავამატოთ დანაყილი ნიორი, დაჭრილი ქინძი, ოხრახუში, ქონდარი, პიტნა, დანაყილი წიწაკა და მარილი. მოხარშული, მზა ლობიო გულდაგულ ამოვზილოთ კოვზით (უმჯობესია ხისა), ვადუღოთ კიდევ 2-3 წუთი და გადმოვდგათ ცეცხლიდან.
თუ გვინდა, რომ კერძს ჰქონდეს მომჟავო გემო, ხარშვის ბოლოს შეგვიძლია დავამატოთ ტყლაპი, ტყემლის საწებელი, ბროწეულის წვენი ან ღვინის ძმარი.
ხარშვის დროს შეგვიძლია დავამატოთ 2-3 სუფრის კოვზი დანაყილი ნიგოზი და რამდენიმე დაფნის ფოთოლი.